Gənc alim, siyasi elmlər üzrə fəlsəfə doktoru, dosent Günel Məlikli Yasamal rayon İcra Hakimiyyətinin diplomuna layiq görülüb

Yasamal rayon İcra Hakimiyyətində AMEA-nın Fəlsəfə və Sosiologiya İnstitutunun şöbə müdiri, gənc alim, siyasi elmlər üzrə fəlsəfə doktoru, dosent Günel Məlikli 2 Fevral-Azərbaycan Gənclər Günü münasibəti ilə Yasamal rayonunun ictimai-siyasi həyatında səmərəli fəaliyyətinə görə 2021-ci ildəki elmi, elmi-təşkilati və ictimai fəaliyyətinə görə Yasamal rayon İcra Hakimiyyətinin başçısı Elşad Həsənov tərəfindən xüsusi Fəxri Diplomla təltif olunub. Tədbirdə çıxış edən gənc alim Günel Məlikli əsası ulu öndər Heydər Əliyev tərəfindən qoyulmuş dövlət gənclər siyasəti bu gün cənab Prezident İlham Əliyev tərəfindən uğurla davam etdirildiyini və bir Azərbaycan gənci olaraq daim bütün fəaliyyətində cənab Prezident İlham Əliyevə arxalandığını bildirib.