“Sosial psixologiya” şöbəsində elmi seminar keçirilmişdir

AMEA Fəlsəfə və Sosiologiya İnstitutunun “Sosial psixologiya” şöbəsində elmi seminar keçirilmişdir. Seminarda dissertant Zeynəb Həcəmova “Şəxsiyyətlərarası münasibətlərin əsas xüsusiyyətlərinin sosial-psixoloji təhlili” mövzusunda çıxış edərək, şəxsiyyətlərarası münasibətlərin sosial-psixoloji harmoniyası, şəxsi münasibətlərin tənzimlənməsi, təşkilatda sağlam mənəvi-psixoloji mühitin yaradılması kimi fikirlərini qeyd etmişdir.
Şöbə müdiri, siyasi elmlər üzrə fəlsəfə doktoru, dosent Günel Məlikli insan amilinin psixoloji strukturu, şəxsiyyət yanaşması ona xas olan fərdi-psixoloji xüsusiyyətləri haqqında fikirlərini əlavə etmiş və mövzu ətrafında müzakirələr aparılmışdır.