Fəlsəfə və Sosiologiya İnstitutunun alimlərinin Şabran rayonunda keçirilən “Zamanı xalqının xilaskarlığına yönəldən dahi” mövzusunda elmi-praktik konfransda məruzələri dinlənilmişdir

Ümummilli Lider Heydər Əliyevin 100 illiyinə hər edilmiş tədbirlər planı çərçivəsində Şabranda “Zamanı xalqının xilaskarlığına yönəldən dahi...!” adlı konfrans 13 iyun 2023-cü il tarixində Şabran rayon Heydər Əliyev Mərkəzində Yeni Azərbaycan Partiyası Şabran rayon Təşkilatının və Heydər Əliyev Mərkəzinin birgə təşkilatçılğı ilə 15 iyun Milli Qurtuluş Gününə həsr olunmuşdur. Tədbirdə Şabran rayon İcra hakimiyyətinin başçısı Asif Hüseynov, Yeni Azərbaycan Partiyası Şabran rayon Təşkilatının sədri Mehdi Balabəyov, rayon İcra Hakimiyyəti başçısının birinci müavini Hüseyn İlyasov, ictimai- siyasi və humanitar məsələlər üzrə müavin İlkin Ağayev, Xaçmaz Regional Mədəniyyət İdarəsinin məsləhətçisi Xalidə Əliyeva, ictimai-siyasi və əməkdar elm xadimi, YAP Veteranlar Şurasının üzvü, ”91-lər” dən biri, professor Şahlar Əsgərov, Azərbaycan Milli Elmlər Akademiyası Fəlsəfə və Sosiologiya İnstitunun şöbə müdiri, fəlsəfə elmləri doktoru Füzuli Qurbanov, siyasi elmlər üzrə fəlsəfə doktoru, dosent, YAP Fəlsəfə və Sosiologiya İnstitutu Təşkilatının sədri Sənan Həsənov, fəlsəfə üzrə fəlsəfə doktoru Şölət Zeynalov, Mədəniyyət İşçiləri Həmkarlar İttifaqı Xaçmaz rayon Komitəsinin sədri Qərib Usubov, Mədəniyyət İşçiləri Həmkarlar İttifaqı Şabran rayon komitəsinin sədri Aysel Meylaverdiyeva, eləcə də idarə, təşkilat və müəssisə rəhbərləri iştirak edib. İştirakçılar ilk öncə Ulu Öndər Heydər Əliyevin həyat və fəaliyyətinə həsr olunmuş “Müstəqil Azərbaycan və ürəklərdə əbədiləşən şəxsiyyət“ adlı əl işlərindən ibarət rəsm sərgisinə baxış keçriblər. Daha sonra tədbir açıq elan edilib və Dövlət Himni səsləndirildikdən sonra, Ulu Öndər Heydər Əliyevin və Azərbaycanın ərazi bütövlüyü uğrunda canından keçmiş vətən oğullarının xatirəsi bir dəqiqəlik sükutla yad edilib. Tədbirdə çıxış edən Yeni Azərbaycan Partiyası Şabran rayon Təşkilatının sədri Mehdi Balabəyov, professor Şahlar Əsgərov, Fəlsəfə və Sosiologiya İnstitunun şöbə müdiri, fəlsəfə elmləri doktoru Füzuli Qurbanov, siyasi elmlər üzrə fəlsəfə doktoru, dosent, YAP Fəlsəfə və Sosiologiya İnstitutu Təşkilatının sədri Sənan Həsənov, fəlsəfə üzrə fəlsəfə doktoru Şölət Zeynalov öz çıxışlarında qeyd etmişlər ki, müstəqil Azərbaycan dövlətinin banisi, görkəmli dövlət xadimi, dünya miqyaslı siyasətçi, Ümummilli Lider Heydər Əliyevin mənalı həyat yolu, zəngin və çoxşaxəli irsi tükənməz məktəbdir. Ötən illərə nəzər salarkən Azərbaycan xalqının öz müdrik liderinin rəhbərliyi ilə qazanmış olduğu mühüm tarixi nailiyyətlərinin, intibah və milli şüurun oyanışı Heydər Əliyevin hakimiyyətə gəlişi ilə başladığı, müstəqilliyimizin məhz Ulu Öndər Heydər Əliyevin sayəsində əbədi və dönməz xarakter aldığı və ölkəmizin dünyada layiq olduğu mövqeyə dahi şəxsiyyətin uzaqgörənliyi, müdrikliyi, qətiyyəti və yenilməz iradəsi, zəngin dövlətçilik təcrübəsi sayəsində nail olduğu vurğulanıb. Bu əsasda natiqlər müqayisəli təhlillər və fikir mübadiləsi aparmış, Milli Qurtuluş Gününün xalqımızın xilaskarlıq tarixindəki yerinin və rolunun öyrənilməli elmi məktəbə çevrildiyinin tarixi zərurətindən danışmış, gənc nəslin qarşısında duran vəzifələr şərh edilmişdir. Daha sonra tədbir musiqi nömrələri, şerlərlə xoş ovqat yaratmış və tədbir iştirakçıları sonda xatirə şəkli çəkdirmişlər.