Hafizə İmanova beynəlxalq COP29 tədbirində iştirak etmişdir

Davamlı inkişafın fəlsəfəsi və sosiologiyası şöbəsinin elmi işçisi Hafizə İmanova beynəlxalq COP29 tədbirində iştirak etmişdir. Hafizə İmanova iqlim dəyişikliyi və ekoloji problemlər mövzusunda beynəlxalq tədbir və konfranslarda iqlim dəyişikliyinin sosial təsirləri üzrə çıxış və prezentasiyaları ilə beynəlxalq təcrübə qazanaraq COP29-un Green Zonasında baş tutan Beynəlxalq Gənclər Dayanıqlı İnnovasiya Sammitində qonaq qismində çıxış etmişdir. Hafizə İmanova Çin İqlim Mərkəzinin direktoru Qingchen Chao ilə diskussiya aparmış və iqlimin yeni nümayəndələrinin məhz gənclər olduğu məsələsini və perspektivlərini müzakirə etmişdir. Sammitdə yeni iqlim gündəliyi, eyni zamanda iqlim dəyişikliyinin həyatımıza daxil etdiyi yeni baxışlar (qida, yaşıl sivilizasiya, yeni liderlər, gender) müzakirə edilmiş və Çin, ABŞ, Yunanıstan və Afrikadan olan ekspertlər çıxış etmişlər. Sammitdə Climate Future Global İnnovation Lab-in iqlim dəyişikliyi sahəsindəki fəaliyyəti müzakirə edilmiş və təşkilatın direktoru prof. Binbin Wang, sammitin həmtəsisçisi Shanzi Jiang, sammitin innovasiya üzrə konsultantı Wang Yanmin iqlimlə mübarizədə gənclərin rolunu vurğulayaraq gələcəyin məhz gələcək nəslin bilik və bacarıqlarına ehtiyac duyduğunu qeyd etmişlər.