Faiq Ələkbərli İstanbulda keçirilən beynəlxalq konfransda iştirak edib
![Faiq Ələkbərli İstanbulda keçirilən beynəlxalq konfransda iştirak edib Faiq Ələkbərli İstanbulda keçirilən beynəlxalq konfransda iştirak edib](/uploads/posts/2018-12/thumbs/1545630106_f.jpg)
Beynəlxalq konfransda Azərbaycanı təmsil edən F. Ələkbərli "Cəmaləddin Əfqaninin İslam Birliyi nəzəriyyəsi və çağdaş İslamcılıq düşüncələri" mövzusunda məruzə ilə çıxış edib. O, İstanbul Universiteti Ədəbiyyat fakültəsinin konfrans salonunda gerçəkləşdirdiyi məruzəsi çərçivəsində bildirib ki, Əfqaninin dünyagörüşündə İslam dininin yeniləşməsi yeni bir mərhələnin başlanğıcı olub. Müəllifə görə, Əfqani bir tərəfdən islam dininin əsas mahiyyətini qorumağa çalışmış, digər tərəfdən yeniləşmədən geri qalmamağın yollarını aramışdır. Faiq Ələkbərliyə görə, hazırda da Əfqaninin İslamla bağlı düşüncələrini doğru anlamaq və anlatmaq çox vacibdir.
Beynəlxalq konfransda Türk dünyasının müxtəlif yerlərindən (Azərbaycan, Tatarıstan, Türkiyə, Qazaxıstan, Başqırdıstan, Türkmənistan və b.) elm adamları iştirak ediblər.