Bugünkü alimlər Ulu Öndər Heydər Əliyevin elmi irsinin dərindən öyrənilməsi və gənc nəsilə ötürülməsini özünə borc bilməlidirlər

AMEA Fəlsəfə və Sosiologiya İnstitutunun şöbə müdiri, siyasi elmlər üzrə fəlsəfə doktoru, dosent Günel Məlikli “Bugünkü alimlər ulu öndər Heydər Əliyevin elmi irsinin dərindən öyrənilməsi və gənc nəsilə ötürülməsini özünə borc bilməlidirlər” adlı məqaləsində çağdaş Azərbaycan­da dövlət quruculuğunun, iqtisadi dir­çəlişin, siyasi şüurun, siyasi həyatının son otuz ildən artıq bir dövrünü əhatə edən zaman kəsiyi böyük siyasət xa­dimi kimi tanınan və dərin zəkaya, en­siklopedik biliyə, geniş dünyagörüşünə malik olan tarixi şəxsiyyətin – Heydər Əliyevin adı əməli fəaliyyəti ilə, ger­çəkləşdiyi konkret işlərlə bağlı olduğunu bildirmişdir. Dosent məqaləsində bildirmişdi ki, Azərbaycan xalqının ulu öndə­ri Heydər Əliyevin titanik fəaliyyəti dövlət idarəçiliyi akademiyası olmaq­la, ən müxtəlif aspektlərdən tətbiq və təhlil edilməlidir. Alim dahi şəxsiyyət Heydər Əliyevin sayəsində 1969-cu ildən etibarən milli mənəvi dəyərləri­mizin, soy-kökümüzün özümüzə qayıtdığını, 1993-2003-cü illər isə tariximizə inki­şaf, tərəqqi dövrü kimi yazıldığını söyləmişdir.

Dosent bugünkü alimlərin ulu öndər Heydər Əliyevin elmi irsinin dərindən öyrənil­məsi və gənc nəsilə ötürülməsini özünə borc bilməli olduğunu vurğulayıb. Heydər Əliyevin elm sahəsindəki bütün fəaliyyəti ali bir ide­yaya – azərbaycançılıq məfkurəsinə xidmət edir. Azərbaycan elminə hər zaman həs­saslıqla yanaşan ulu öndər Heydər Əliyev AMEA-nın inkişaf etməsinə qay­ğısını heç vaxt əsirgəməyib. Xalqına dərindən bağlanan, həyatını Azər­baycanın tərəqqisinə həsr edən dahi şəxsiyyət Azərbaycan Milli Elmlər Aka­demiyasının fəaliyyətini daim diqqət mərkəzində saxlayıb, onun dünya miq­yasında tanınmasına nail olmuşdur. –deyə G. Məlikli vurğulayıb.